خاف ربك لا تجاهــــــــر بالذنــــــــــوب

الخيانه وش بعد طبـــــــــــع الخيانه ...جـــرح يدمي ما تحمله القلـــــــوب
أنت خاين ما تقــــــــــــدرها الامانه ...يا لعــــــوبٍ تبقى بفعالك لعــــــوب
غدرك اللي دمـر احساس الحصانه ...اللي كانت في وسط قلبي تجـــوب
كان حبــــك وسط قلبي هو مكانه ...كنت وحدك لي به احساسي يذوب
كنت لي نــــــــــــورٍ يوجهني بنانه ...طايــــــــعٍ قــــــولك ولاعنه أتــــــــوب
من عرفتك وانت بفعـــــــــالك رزانه ...همس فجري لي أغازل به الغــــروب
لين شفتك وانكشف ســــر اللعانه... وصرت اسود كثر مابك من عيـــــوب
حطميت القلب احساسه وكيــــانه... من هو مثلك عاد باحساسه كذوب
الغدر اعطاك بالدنيا مهـــــــــــــانه...خاف ربك لا تجاهــــــــر بالذنــــــــــوب
هذه الافعال بالاحرى جبـــــــــــانه ...ساقتك للشين ودروب الهـــــــــــروب
صادق الافعال ما يكـــــذب السانه ...ولا يبـــــــــــــوح بقول لو كان مغصوب
وجهتي للغرب بالنفس المصــــانه ...وانت دربك صار في اقصى الجنــــوب
وقلبي اللي كان خادمـــــك بزمانه ...طار منه الشــــــــوق مع هب الهبوب