عهد المحبين

قلت الوداع وجاوبت دمعة العين
تجرح بساتين الخدود الند يه
واغضت وشفت بعيونها الحزن حزين
وصاحت على الفرقا انا مو قويه
وجاوبتها ارجوك تكفين تكفين
والله دمعك يشعل النار فيه
وقالت تعاهدني عهاد المحبين
الله يخون الي يخون خويه
قلت ابشري والي خلقك لا تظنين
حرام ما عشقت غيرك ادميه
وقصت شعرها وقلت وس تسوين
قالت ابي من غرتي لد هديه
ونادتني الغربيه على الهم والبين
احسب الايام روحه وجيه
وفي كل ليله ترتسم بين رمشين
خيالها بين الرموش الشقيه
غربة سنه في ذمتي غربة سنين
متى على الله يلتقي الحي حية
خلاص هانت ما بقى غير يومين
خلاص قفت غربة جرهديه
ورجعت شوقي في خفوقي براكين
رجعت انا لها كلي جاذبيه

صح لسانك يالشاعر فيصل
من اجمل ماقراءت قصائدك
دون مجامله تحمل احاسيس صادقه ومعاني رائعه
اسأل المولى ان يوفقك

صدجتي يا ادبيه سعوديه
ترى كلمات هالقصيده لهااا معاني وحسستني .....
الله يحفظك يا فيصل