مدح في القبايل البدويه

يقول مـن يبـدع جميـلات الالحـان
جل المعانـي جابهـا مـن بحرهـا
من ضامـر بالشعـر مغـرم وفنـان
عبر الورق زيـن المثايـل سطرهـا
حمود قـال لبـدع الامثـال شفقـان
حلو المعانـي زادهـا مـا قصرهـا
سطـرت قـاف بالتماثيـل ملـيـان
لناس تشـوه سلمنـا مـن قهرهـا
ناس تشـوه سلمنـا اكيـد عـدوان
سلومنـا وقـت اللـزوم تخبـرهـا
تراثنا مـا يمثلـه صفـوق وسنـان
كـل القبايـل حجمهـا مـا ذكرهـا
عدل جوابك واملحه يا بـن سعفـان
امجادنـا يـا الـلاش محـد نكرهـا
خلك معي واسمع سلايـل حوسيـان
اعطيك شرح وافـي عـن سطرهـا
اعطيك شرح ما سمعته مـن انسـان
عـن البـدو والباديـه لا تغـدرهـا
انا عنزي وربعـي قبايـل وعربـان
قبيلـة بالـكـون مـحـد قـدرهـا
قبيلـة بيـن القبايـل لهـا شــأن
اسأل عـن الويـلان محـد غدرهـا
وشمر هل الطولات في كـل الاحيـان
غلبـى سقـام للمعـادي نخبـرهـا
وبني صخر نسيتها يا بـن شـردان
اللـي نهـار الكـون كـل خبـرهـا
وانشد عن السردي في ماضي الازمان
السرديه بالطـولات ساطـع سفرهـا
واهل البويضا باللقا ان قلت سرحـان
سرحـان بالطـولات محـد حقرهـا
وانشد عن العيسى كان انت بلشـان
افعالهـا بالطيـب كــل شهـرهـا
واسال عن بني خالد ان كنت عميـان
قبيلـة بالطيـب مـحـد قصـرهـا
واهل الجبل نسيتها يا بـن سعفـان
قبيلـة يـا الـلاش كـل شكـرهـا
كل شكر هل الجبـل يـوم الاكـوان
قبيلـة بالهـوش محـدن قهـرهـا
وبني عطيه والكرك مه هـل معـان
قبليـل تسقـي المعـادي كـدرهـا
وخوان صالحه باللقـى فعلهـم بـان
اللـي نهـار الكـون تعلـن نذرهـا
كل القبايل يـا الهديفـه لهـا اوزان
كم سربـة بالكـون تنثـر حمرهـا
ما هو قصور اباقي القبايل وحقـران
هذا الذي هالحيـن فكـري حصرهـا
وش عرفك باصل العرب يا ابن كوبان
مثلك يطيـح بحفـرة هـو حفرهـا
تركب كديش وانـي مـا بـه عنـان
ما هو الاصيل اللي دنا بـه سطرهـا
قبايلنـا تقودهـا شيـوخ فـرسـان
تعـارض علـى امثالكـم وتحقرهـا
ما قـل دل وزبـدة الهـرج نيشـان
اسمع وصاتي واحترس من خطرهـا
من طاوع النفس الخبيثه ترى يهـان
امارة بالسـو لـو هـو مـا امرهـا
الخاتمه صلوا علـى نسـل عدنـان
واعداد ما بـالارض هـي وبشرهـا