شيخ قبيلة العفيف رثاء 2

يا الله يا اللي تملك الملك والخير
يا الواحد العالي وحنا نترجاه
أنت الإله اللي عليك التدابير
وأنت الإله اللي ما غيرك عبدناه
طالبك ترحم من خذته المقادير
عصر الربوع بدبرة الله فقدناه
مرحوم يا ركن الضيوف المسايير
في طلعته ضار على ذبحة الشاه
مرحوم يا راع الدلال المباهير
له دلة دايم على النار مركاه
مرحوم يا راع النياق المغاتير
محدن على الشطه مشى مثل ممشاه
يحيى العفيف اللي عليه التحاسير
أبو مهيوب اللي عديمه حلاياه
ماكر مواكير الحرار المناعير
صيده يصوبها وصيده مدماه
شعيل شيال الحمول المزابير
راح الجمل يابو سعود يا شين فرقاه
وحكم القدر جاري على العبد ويسير
الآدمي يمشي تحت حكام مولاه
الموت اله سكنه وحنا معايير
وملا وفاء يومه بعد حين تلقاه
ويا مبدل عسر الليالي تياسير
عسى جنان الخلد يا رب مثواه
وعداد روض فيه نبت النواوير
صلوا على المختار لا حل طرياه
يحيى العفيف شيخ مشايخ العفيف
عسى جنان الخلد يا رب مثواه