وشـ تسوي لو حبيتـ إنسانـ مو منـ نصيبكـ ؟؟

السلام عليكم ورحمة الله وبركاته


صبحكم ومساااكم ربي بالخير والسرور ..

طرح عجبني وحبيت اشوف رايكم فيه ..>>>>>يعني ملطووش زي مايقول اخوي سالم

وهو طرح يناقش أمر قد يقع به الكثير منا بدون سابق إنذار ..

طرحي اليوم هو ..


~× تعلمت أغفر له / الخطأ ولو كان قتال
أبد ما كان من طبعي قلوب الناس أذيها
أنا مثل الذي يحكي وعيونه بالدموع ثقال
وقلبه بالحشا ينبض رغم آآآآه يعانيها


الحب عاطفه جميله تجمع روحين تتجسد فيها معاني التضحيه
والثقه المتبادله بين الشخصين اذا كان هذا الحب فيه خشيه وطاعه لله..

ولكن

اختلف الان الحب وأصبح عمله نادره في هذا الزمن ..

((تخيلوا معاي الكلام اللي بكتبه الحين وردوا علي))

اووووووووكي



وش تسوي لو حبيت الارتباط بشخص مو من نصيبك؟؟

وشهو ذنبك لو غدى من بين خلق الله حبيبك؟!

تعرف إن قربه محال وقلبك صمم يحبه؟!

يعني متوقع بأي لحظه يغيب وتغترب به؟!

كل درب يرحل بطيفه على وجهك يجيبك؟؟

كل حرف يكتب لغيره تحسه منكتب له؟!

كن كل عيون خلق الله عين له تذيبك؟؟

تثير إحساسك جمر ملح وعلى جرحك تصيبه؟!
..


واللي كاسر ظهرك قلبك وبشقا الدنيا مصيبك..

عارف بأنك تحبه مايعرف إنك تحبه(أو بمعنى أصح ما يهمه حبك)؟!

ساكن بأصغر تفاصيلك وقلبه مادرى عنك؟؟

وش تسوي لو مرضت بعشق من وصله طبيبك؟؟

وإنت عارف لو ذبحك العشق ما داواك طبه..
..

واليوم يالجرح والله لأخذ بثارك
وأسقيك من دم قلب خيب ظنونك
خله ترى اللي حصل من لعنة أقداره
وإرحل مع اللي يحبك وصل ويصونك


..


ابــي كــل شــخــص يـدخـل الموضــــوع

يكــتب لو انـه حـب الارتباط بشخــص ..

وكان هذا الشخـص مو من نصيـــبكـ ؟؟


وش راااح تسووووي


..

راح تبقــى تحبــه


راح تنســـــــآآهـ


.. الخ

موضوع رائع وطرح بطريقة اروع

ومن المتعارف عليه من ناحية فسيولوجية في التركيب الكائن الحي الي وهي العاطفة التي اوجدها الله سبحانه وتعالى

ولكن بالطبيعه الفطرية ايضا التي وجدت من صنع الخالق عزوجل في المخلوق

ومن هنا ومن هذا المنطلق ومن ناحية نفسية تختلف الغرائز الفطرية من شخص لاخر

وسوف ادخل بصلب الموضوع حتى لا ابعد عن الاجابه

قد يحدث الحب ليس بالنت ولكن من خلال المدح لشخص معين من غير ما يشاهده وكلنا نعلم بان البيئة تفرض علينا بعض التحديات ( اي قد يرى الشخص بان سعادة تكون مع هذا الشخص )

احيان نحب من اول نظره واحيان يكون الحب من المفهوم الجوهري لهذا الانسان (اي فقد بالتعامل معه باي وسيلة اتصال )

ويحصل للرد اختلافات في الطبيعه ويحدث الحب والشوق للقاء بهذا الشخص وتمني قربه دون النظر للمقومات التي قد تواجهه او طبيعة المشكلة التي يقع بها وهي الحب



ومن وجهة نظري

لن اتركها وسابقى احبها وسوف احاول بالوصول لها حين تاذن لي بذلك مراعيا شعورها النفسية والاحساس بما تحس به

وانا اؤمن بوجود هذا النوع من الحب

ولكن يبقى القدر ودوره في تيسير الامور

وقلت في بيت شعر

اما اني انساها نسى الله من نسى ذاك القبال
يا صب روحي صب دلتها على فنجالها

واكتفي بهذا التعليق لضيق وقتي